كلها ضدي انت ضدي وروحي ضدي وگلبي ضدي وانا ضدي

اطعني ........ مثل متريد

وصد عني....مثل متريد

وحركني ...مثل متريد

انت هواي.... بس ضدي

مثل گلبي...صرت ضدي

مثل روحي.......صرت ضدي

خايف اصحى بيوم وحدي

والگه طيفك باك حدي

مو بديه...... ولا بديك

من غرورك ...طاح سدي

علمتني احجي.... بصراحه

وهذا طبع الچان ...عندي

موتت كلشي بحياتي

حتى كلمات.... التحدي

وهسه ياهو البيه .... يبدي

وانه مكتوب ..... بنهايه

وقصتي بچفك ..... تندي

انه اروح.........وباچر امشي

خلي انهي اليوم...وعدي

وعدي ذاك الي قطعته

من زمن غافي اعله......چبدي

ابقى وي غيري انت.....عندي

صورة مرسومه اعله.....زندي

وانه رايح لا تجيني...

خل اعيش اوياي...... وحدي

عمري ما ريد اعله بابك....انطر وجرحك يندي

هيچي اريد انساك كلش...وانسى كل البيك عندي

وانا شنهو الباقي عندي ...وانت تعرف كلها ضدي

عمري......... ضدي

وگلبي ....ضدي

ودربي.... ضدي

ونت .....ضدي

وانه ....... ضدي

تحياتي الكم الجبوري عمار