عراقيييييييييييييييييتك

كض ضهر الوطن لا تطعنه بسجين
واني اعله الوطن مو تدري وصيتك

امانه بركبتك خليته من اسنين
وانه الجنت اضنه تحطه ترجيتك

سفينه وبيها نمشي ونسبق الاحلام
وعلى احلام الوطن لا ترمي ساريتك

خله اوياك عايش حاله حال الروح
ولان روحك عزيزه بهاي خليتك

هاي الفكره جانت نص ضميري تصيح
بدلت بثواني اي ليش تاليتك

بوسط ضلعك كلب يتلاوه بالشريان
دشيله وخل عراقك ينبض بريتك

مو هذا الوطن خيمتنه بين الناس
وغيره شلون يرهم ساتر ابيتك

قرانك مقدس يالتصيح الله
ليش تخون شاهد صان قدسيتك

بغدادك عروسك يل طحت عريس
وبثوب العرس ضلت امتانيتك

دكلي الي وكت ننطر ضريح الموت
وعلى الموت الجماجم تروي جنسيتك

جسر موتاك يمشي ويمه راس حسين
ولان بيك العراق انطاك احقيتك

ينادي وبيه يصرخ يا عراق اشبيك
دعدي بثوب دجله الصان عذريتك

شكل واحد جمعنه وما نصير اثنين
وحده اوياي سنتي وبيها شيعيتك

الجرح لا ما يشده العده بينه وراح
ولهذا بضلوعي اوياي شديتك

بهاي اوصيك انه ودم عراقك بيك
ولان انت العراق بعيني خليتك