شكرا يا اهل هذا الكلب عفته

اذا غيرك قبلت بهاي يعني اعنيك
وذا غيرك قبلني بهاي يعني انته
لان انت انه بيه وبيه انت وياي
وغير اوياي غيرك محد اقبلته
احبك شرد اكلك بيك انه احتاريت
والحاير يغالي شلون سالفته
اذا بعدك تحبني وبالوفه اتحنيت
حبك بعده بيه ولاتضن عفته
ولهذا انه جيت بروحي اترجاك
وعلى ابوابك يغالي كليبي علكته
وسال باب بيتك ياهو جاك اليوم
وياهو العاف كلبه بشوك صاحبته

كومه اسنين مرن وانه حيل اهواك
وعلي كل عمري ابد ما حسب اخسرته
ديني شلون اعوفه وانت دين وياي
شيعيه الاصل وبروحي سننته
انه جبوري الاصل وباصلي اهز الكون
ومنك طيب روحي البيه كملته

ميزاني انت يمي وبيك اجيل العين
ولا ارضه انه غيرك بالوزن جلته
عهد للموت اضل محبوب الك منساك
واسمك جوه كلبي بروحي صورته
ولهلك جلمه اريد ارسلها ويه الروح
شكرا يا اهل هذا الكلب عفته